ৰহা পেটবঢা নিবাসী তথা অৱসৰ প্ৰাপ্ত বিষয় শিক্ষক যাদৱ চন্দ্ৰ নাথ আৰু চুমী দেৱীৰ সুযোগ্য সন্তান তথা মেধাবী ছাত্ৰ প্ৰজ্ঞান কুমাৰ নাথে সদ্য ঘোষিত সৰ্বভাৰতীয় পৰ্যায়ৰ নীট পৰীক্ষাত সৰ্বমুঠ ৫৫৯নম্বৰ লাভ কৰি অঞ্চললৈ গৌৰৱ কঢিয়াই আনিবলৈ সক্ষম হয়।
প্ৰজ্ঞান নাথ ৰ এই কৃতিত্বত ৰহা আঞ্চলিক সাংবাদিক সন্থা,ফুলগুৰি পেটবঢা সচেতন সমাজ আৰু বৰকলা শংকৰদেৱ শিশু বিদ্যা নিকেতন সহ বিভিন্ন অনুষ্ঠান প্ৰতিষ্ঠানে শুভ কামনা জনাই উজ্বল ভবিষ্যতৰ কামনা কৰিছে।
উল্লেখ যে প্ৰজ্ঞানে ইয়াৰ পুৰ্বেও উচ্চতৰ মাধ্যমিক আৰু উচ্চ মাধ্যমিক পৰীক্ষাতো উন্নত ফলাফলেৰে অঞ্চললৈ গৌৰৱ কঢিয়াই আনিবলৈ সক্ষম হৈছিল।
