মৰাণৰ মনভৰি ৰেষ্টুৰেন্টৰ এটা ব্ৰেড খাই ডায়েৰিয়াত আক্ৰান্ত পিতা-পুত্ৰ ।দেওবাৰে হোটেলখনৰ পৰা কিনি নিছিল এটা ব্ৰেড । আজি পুঁৱা ব্ৰেড খাই বিদ্যালয়লৈ যোৱাৰ পিছতে অসুস্থ হৈ পৰে হলি চাইল্ড ইংলিছ একাডেমীৰ সপ্তম শ্ৰেনীৰ ছাত্ৰ ৰিজিয়ান ৰহমান । ইয়াৰ পিছতে বিদ্যালয়ৰ পৰা ঘৰলৈ ঘূৰি আহি চিকিৎসকৰ ওচৰলৈ যোৱাত ডায়েৰিয়াত আক্ৰান্ত হোৱা বুলি কয় । হোটেলখনৰ ব্ৰেড খোৱাৰ পিছতে শেহতীয়াকৈ ছাত্ৰগৰাকীৰ পিতৃ মনি জামাল ৰহমানো অসুস্থ হৈ পৰিছে । এই ঘটনাক কেন্দ্ৰ কৰি মনভৰি ৰেষ্টুৰেন্টত এক উত্তপ্ত পৰিস্থিতিৰ সৃষ্টি হয় । হোটেলখনৰ বিৰুদ্ধে শাস্তিমূলক ব্যৱস্থা গ্ৰহন কৰিবলৈ দাবী জনাইছে ভূক্তভোগী পৰিয়ালটোৰ লগতে দল-সংগঠনে । খাদ্য সুৰক্ষা বিভাগ আৰু প্ৰশাসনৰ নিস্ক্ৰিয় ভূমিকাৰ বাবে বাৰে বাৰে মৰাণত এনে ঘটনা হোৱা বুলি অভিযোগ উত্থাপন কৰিছে দল-সংগঠনসমূহে ।