ડીસા-ધાનેરા હાઇવે પર આખોલ પાટીયા નજીક સોમવારે મોડી સાંજે બસ અને ઇકો કાર સામસામે ટકરાતાં અકસ્માત થતાં ઇકોમાં સવાર આઠ લોકોને ઈજા થવા પામી હતી. ઇજાગ્રસ્ત્રોને ડીસા સિવિલમાં સારવાર અર્થે ખસેડાયા હતા.

ડીસા ડેપોની કંસારીથી ડીસા આવી રહેલી બસ સોમવારે મોડી સાંજે ડીસા-ધાનેરા હાઇવે પર આખોલ નજીક પહોંચી ત્યારે સામેથી આવી રહેલી ઇકો કાર અને બસ વચ્ચે અકસ્માત સર્જાયો હતો. જેથી ઇકોમાં સવાર આઠ મુસાફરોને ગંભીર ઈજા થઈ હતી. ઇજાગ્રસ્તોને તાત્કાલિક 108 ઈમરજન્સી વાન દ્વારા ડીસા સિવિલ હોસ્પિટલમાં સારવાર અર્થે લવાયા હતા.

જ્યારે ત્રણ વ્યક્તિઓને ગંભીર ઈજા થતાં ખાનગી હોસ્પિટલમાં લઈ જવાયા હતા. અકસ્માતના પગલે હાઈવે પર ટ્રાફિક સર્જાયો હતો. ડીસા તાલુકા પોલીસે ઘટના સ્થળે પહોંચી ટ્રાફિક ક્લીયર કરાવ્યો હતો. જ્યારે અકસ્માત અંગે ગુનો નોંધી વધુ તપાસ હાથ ધરી છે.

1. નીતિશકુમાર ભુરાભાઈ સોલંકી

2. વિજયાબેન મુકેશભાઈ સોલંકી

3. મહાદેવભાઈ ખેમાભાઈ પરમાર

4. વાઘજીભાઈ શામળાજી રબારી