ડીસા શહેર દક્ષિણ પોલીસની ટીમે એસ.સી.ડબલ્યુ હાઇસ્કૂલ વિસ્તારમાં પેટ્રોલીંગમાં નીકળી હતી. જે દરમિયાન શહેરમાં શાસ્ત્રીનગર ભાગ - 2 માં રહેતો ગૌરવભાઈ જગદીશભાઇ ચોખાવાલા પોતાના મકાનમાં દારૂનો વેપલો કરતો હોવાની બાતમી મળતા પોલીસે આ મકાનમાં રેડ પાડી હતી.

જે દરમિયાન મકાનમાંથી 47910 રૂપિયાની કિંમતની વિદેશી દારૂ અને બિયરની 277 બોટલ મળી આવતાં પોલીસે દારૂના જથ્થા સાથે મકાન માલિક ગૌરવભાઈ ચોખાવાલાની અટકાયત કરી કાયદેસરની કાર્યવાહી હાથ ધરી છે.