স্বাধীনতাৰ ৭৫ বছৰ পুৰ্তি তথা আজাদী কা অমৃত মহোৎসৱ' ৰ অংগ হিচাপে "হৰ ঘৰ ত্ৰিৰংগা" কাৰ্যসুচী সফল ৰূপায়ন কৰাৰ উদ্দেশ্যে এতিয়া চাৰিও ফালে সচেতনতা ৰেলি৷ ১৩ আগষ্টৰ পৰা ১৫ আগষ্ট লৈ প্ৰতি ঘৰতে ত্ৰিৰংগা পতাকা উৰুৱাবলৈ ৰাইজক সজাগ কৰিবলৈ এতিয়া চাৰিও ফালে সজাগতা ৰেলি৷ পুৱাই বন্দে মাতৰম,ভাৰত মাতা কি জয় ধ্বনীৰে প্ৰতিধ্বনিত হল বালিপৰাৰ আকাশ বতাহ । চাৰিদুৱাৰস্থীত ৩০ নং বেটেলিয়নৰ উদ্যোগত বালিপৰাৰ ৰাজপথত বালিপৰা উচ্চতৰ মাধ্যমিক বিদ্যালয়ত বাহিৰ কৰে এই সচেতনতা ৰেলী। পুৱা বাহিৰ কৰা প্ৰভাত ফেৰীত বিদ্যালয়খনৰ সহস্ৰাধিক ছাত্ৰ ছাত্ৰী শিক্ষক সমাজ আৰু ৩০ নং চি.আৰ.পি. এফৰ জোৱানসকলে অংশগ্ৰহন কৰে ।