થરાદ પોલીસ સ્ટેશનના ડુવા ગામેથી બાતમીના આધારે પોલીસે દેશી હાથ બનાવટની એક નાળચા વાળી બંદુક સાથે એક ઇસમને પકડી પાડી થરાદ પોલીસ મથકે કાયદેસરની કાર્યવાહી હાથ ધરી હતી.

થરાદ પોલીસ સ્ટાફના માણસો ગેરકાયદેસર હથિયાર પકડી પાડવા સારૂ પેટ્રોલીંગમાં હતા. દરમ્યાન મળેલ બાતમી હકીકત આધારે ડુવા ખાતે રહેતા અહમદભાઇ ઇસ્માઇલ સીંધી (ઉં.વ.50, રહે.ડુવા, તા. થરાદ, જિ.બનાસકાંઠા)ના કબ્જા ભોગવટામાંથી ગેરકાયદેસર અને વગર પાસ પરમીટની દેશી હાથ બનાવટની એક નાળચા વાળી બંદુક કિ.રૂ.2500 સાથે એક ઇસમને પકડી પાડી તેના વિરૂદ્ધમાં આર્મ એક્ટ મુજબની કાયદેસરની કાર્યવાહી કરવામાં આવેલ છે.