১২-০৮-২০২২ তাৰিখ পুৱাই ২ নং গৰৈমাৰী এল পি স্কুলৰ উদ্যোগত হীৰক জয়ন্তী বর্ষৰ স্বাধীনতা দিৱস পালনৰ কাৰণে হাতত লোৱা কেন্দ্ৰীয় চৰকাৰৰ আজাদি কা অমৃত মহোৎসৱৰ 'ঘৰে ঘৰে ত্ৰিৰংগা' কাৰ্যসূচীৰ অংশ "প্ৰভাতী" পালন কৰে। "প্ৰভাতী" শীৰ্ষক কাৰ্যসূচী অনুসৰি পুৱা শিক্ষক, ছাত্ৰ ছাত্ৰী, পৰিচালনা সমিতিয়ৰ বিষয়ববীয়াসকলে হাতে হাতে ৰাষ্ট্ৰীয় পতাকা লৈ ২ নং গৰৈমাৰী অঞ্চলত সমদল কৰি ভাৰত মাতা কি জয় শ্লোগান দি দেশ প্ৰেমমূলক গীত পৰিৱেশন কৰে ছাত্ৰ ছাত্ৰীসকলে। উক্ত কাৰ্যসূচীত বিদ্যালয় পৰিচালনা সমিতিৰ সভাপতি সুৰ্যকান্ত বড়ি ,প্ৰধান শিক্ষক অমৃত ঢেকীয়াল ফুকন,শিক্ষক নিতুল ডেকা আৰু অংগনৱাদী কেন্দ্ৰৰ কৰ্মী মইনামতি বড়ি আদিয়ে উপস্থিত থাকে।