સુરેન્દ્રનગર: ગઈકાલે સુરેન્દ્રનગર સબ જેલ ખાતે પવિત્ર રક્ષાબંધન તહેવાર નિમિત્તે કેદીઓને તેમની બહેનો રાખડી બાંધવા આવતા વ્યવસ્થા કરવામાં આવેલ. જેલ તરફથી પણ કંકુ ચોખા મીઠાઈની વ્યવસ્થા કરવામાં આવેલ હતી.
તેમજ પ્રજાપિતા બ્રહ્માકુમારી ઇશ્વરીય વિશ્વ વિદ્યાલય સંસ્થાની બહેનો દ્રારા કેદીઓને રક્ષાબંધન કરવામાં આવેલ.
પવિત્ર શ્રાવણ માસ દરમિયાન 20 કેદીઓ દરરોજ ઉપવાસ કરતા હોય નિયમ મુજબ જેલ તરફથી સીગપાક, બટાટાભાજી, કેળા આપવામાં આવે છે. તેમજ વિશ્વ હિન્દુ પરિષદ તરફથી કેળા, સામો વિગેરે આપવામાં આવે છે. સોમવારે 120 ઉપરાંત કેદીઓ ઉપવાસ કરતા હોય બટેટાનો શીરો આપવામાં આવે છે.
