নতুন দিল্লী, ১১ আগষ্ট । এয়াৰ ইণ্ডিয়াই ২০ আগষ্টৰ পৰা ২৪ খন অতিৰিক্ত ঘৰুৱা বিমান পৰিচালনা কৰিব। কোম্পানীটোৱে বৃহস্পতিবাৰে এই তথ্য সদৰী কৰে। অতিৰিক্ত ২৪ খন বিমানৰ ভিতৰত দুখন দিল্লীৰ পৰা মুম্বাই, বেংগালুৰু আৰু আহমেদাবাদলৈ আৰু মুম্বাইৰ পৰা চেন্নাই আৰু হায়দৰাবাদলৈ চলাচল কৰিব বুলি এয়াৰ ইণ্ডিয়া এয়াৰলাইনে এক বিবৃতিত কয়। ইয়াৰ উপৰিও মুম্বাই-বেংগালুৰু আৰু আহমেদাবাদ-পুনে পথতো নতুন বিমান চলাচল আৰম্ভ কৰা হ'ব।
কোম্পানীটোৰ পৰিচালন সঞ্চালক আৰু মুখ্য কাৰ্যবাহী বিষয়া কেম্পবেল উইলচনে কয় যে এয়াৰ ইণ্ডিয়াৰ বিমান সমূহ পুনৰ সেৱালৈ অনাৰ বাবে তেওঁলোকে যোৱা ছয় মাহ ধৰি তেওঁলোকৰ অংশীদাৰসকলৰ সৈতে ঘনিষ্ঠভাৱে কাম কৰি আছিল। তেওঁ আনন্দিত যে তেওঁলোকৰ এই প্ৰচেষ্টাই এতিয়া ফলপ্ৰসূ ফলাফল দেখুৱাইছে।
