সূদখোৰৰ বিৰুদ্ধে দৰঙৰ দলগাঁও আৰু খাৰুপেটীয়া আৰক্ষীয়ে নিশা চলাই তীব্ৰ অভিযান ।

সূদখোৰৰ বিৰুদ্ধে ৰাজ্যজুৰি আৰক্ষীৰ তীব্ৰ অভিযানৰ সময়তে দৰঙৰ দলগাঁও আৰু খাৰুপেটীয়া আৰক্ষীয়ে নিশা চলাই তীব্ৰ অভিযান । অভিযানত দলগাঁও আৰক্ষীয়ে তিনিজনকৈ সূদখোৰক গ্ৰেপ্তাৰ কৰে ৷ সূদখোৰ তিনিজন ক্ৰমে বেছিমাৰিৰ হামিদুৰ ৰহমান, দলগাঁৱৰ চকৰাগাঁৱৰ ছোবান আলী আৰু শিলবৰীৰ গোলাম ছাৰোৱাৰ ।আৰক্ষীয়ে তিনি সূদখোৰক তদন্তৰ অন্তত জেললৈ প্ৰেৰণ কৰে ৷ আটক কৰা সকলৰ পৰা বিভিন্ন লোকৰ এটিএম কাৰ্ড,পাছবুক, মোবাইল ফোন, নগদ ধন, ব্লেংক চেক, দলিল আদি বিভিন্ন নথিপত্ৰ জব্দ কৰে ৷ ইফালে খাৰুপেটীয়া আৰক্ষীৰ অভিযানত গ্ৰেপ্তাৰ হয় তিনিজনকৈ সূদখোৰ । গ্ৰেপ্তাৰ হোৱা লোক কেইজন ক্ৰমে খাৰুপেটীয়াৰ বিহুদিয়াৰ বুদু মিঞা, খগজানিৰ ইদু আলী আৰু ঘনশিমলুৰ মাজম আলী বুলি জানিব পৰা গৈছে ।