পাটনা, ১১ আগষ্ট । তেজস্বী যাদৱ বিহাৰৰ উপ-মুখ্যমন্ত্ৰী হোৱাৰ লগে লগে নিৰাপত্তা বৃদ্ধি কৰা হৈছে। যাদৱক এতিয়া জেড প্লাছ শ্ৰেণীৰ সুৰক্ষা দিয়া হৈছে।
ইয়াৰ লগতে তেজস্বীৰ কনভয়ৰ বাহনসমূহো সলনি কৰা হৈছে। আগতে তেওঁক ৱাই প্লাছ সুৰক্ষা প্ৰদান কৰা হৈছিল। জেড-প্লাছ নিৰাপত্তা হৈছে এছ.পি.জি.-ৰ পিছত দ্বিতীয় সৰ্ববৃহৎ সুৰক্ষা ব্যৱস্থা। বিহাৰৰ মহাজোঁট চৰকাৰৰ উপ–মুখ্যমন্ত্ৰী হোৱাৰ পিছত গৃহ বিভাগৰ পৰামৰ্শৰ পিছত তেজস্বী যাদৱৰ নিৰাপত্তা বৃদ্ধি কৰা হৈছে।
লক্ষণীয় যে ৰাজ্যখনত এতিয়ালৈকে ৰাজ্যপাল আৰু মুখ্যমন্ত্ৰী নীতিশ কুমাৰৰ জেড প্লাছ নিৰাপত্তা আছিল। এতিয়া তেজস্বী যাদৱকো এই নিৰাপত্তা দিয়া হৈছে। পূৰ্বে, বিৰোধী দলৰ নেতাৰ সময়ত তেজস্বী যাদৱৰ ৱাই প্লাছ নিৰাপত্তা আছিল।
