બનાસકાંઠા જિલ્લા પેરોલ ફર્લો સ્કોડે પાલનપુર વિસ્તારમાંથી છેલ્લા ઘણા સમયથી નાસ્તા ફરતા આરોપીને ઝડપી પાડ્યો છે. બાતમી હકીકતના આધારે પશ્ચિમ પોલીસ સ્ટેશનના નોંધાયેલા ગુનાના આરોપીને પોલીસે પાલનપુરથી ઝડપી પાડ્યો હતો. પેરોલ ફર્લો સ્કોડે આરોપીને પશ્ચિમ પોલીસને સોંપી આગળની તપાસ હાથ ધરી છે.

પાલનપુર પશ્ચિમ પોલીસ સ્ટેશનના ગુનામાં નાસતા ફરતા આરોપીને પેરોલ ફર્લો સ્કોડે ઝડપી પાડ્યો છે. બનાસકાંઠા જિલ્લા પોલીસ વડા અક્ષયરાજ મકવાણાએ નાસતા ફરતા આરોપીઓ પકડવા આપેલી સૂચના અંતર્ગત અને માર્ગદર્શન હેઠળ પેરોલ ફર્લો સ્કોડ પોલીસ સ્ટાફના માણસો નાસતા ફરતા આરોપીઓની તપાસમાં હતા.

તે દરમિયાન ટીમને મળેલી ખાનગી હકીકત આધારે પાલનપુર પશ્ચીમ પોલીસ સ્ટેશનના ipc 465, 466, 467, 468, 471 હેઠળ ગુનાના નાસતા ફરતા આરોપી જુવાનસિંહ ઉર્ફે જગદીશભાઈ લાલજીભાઈ ઠાકોર રહે.પાલનપુર દિલ્હી ગેટવાળાને ઝડપી પાડ્યો હતો. આગળ ની કાર્યવાહી ને લઈ પાલનપુર પશ્ચીમ પોલીસ સ્ટેશન ખાતે આરોપીને સોંપવામાં આવ્યો હતો.