ડીસા-થરાદ હાઇવે પર આજે શાકભાજી ભરેલું જીપડાલું પલ્ટી ખાતા અકસ્માત સર્જાયો હોવાની ઘટના બની છે. ઘટનામાં રોડ પર શાકભાજીના થેલાઓનો ઢગલો થઈ ગયો હતો.
ડીસા-થરાદ હાઇવે પર ગોઢા ફાટક પાસે શાકભાજી ભરેલા જીપડાલાનો અકસ્માત સજાયો હતો. જેમાં શાકભાજી ભરીને એક જીપડાલું ડીસાથી થરાદ તરફ જઈ રહ્યું હતું અને ગોઢા ફાટક પાસેથી પસાર થઈ રહ્યું હતું, તે સમયે અચાનક સ્ટેયરીંગ પરથી કાબૂ ગુમાવતા જીપડાલું પલ્ટી ખાઇ જતાં અકસ્માત સર્જાયો હતો.
આ અકસ્માતમાં રોડ પર શાકભાજીના થેલાઓનો ઢગલો થઈ ગયો હતો. તેમજ આ બનાવને પગલે આજુબાજુના લોકો તરત જ દોડી આવ્યા હતા અને રાહત કામગીરી શરૂ કરી અકસ્માતગ્રસ્ત ગાડીમાંથી ચાલકને બહાર કાઢ્યો હતો. આ અકસ્માતથી શાકભાજીના વેપારીને મોટું નુકસાન વેઠવું પડ્યું છે.
