দেশৰ ৭৫ সংখ্যক স্বাধীন দিৱস উপলক্ষে আজি ঢুলীয়া গাঁও প্ৰাথমিক বিদ্যালয়ত পুৱা আজাদী কা অমৃত মহোত্সৱ উপলক্ষ্যত প্ৰভাত ফেৰী অনুষ্ঠান হয় । এই উপলক্ষে ৪৩৭ নং ঢুলীয়া গাঁও প্ৰাথমিক বিদ্যালয়ৰ প্ৰধান শিক্ষক আমিৰতদ্দিন আহমেদে ভাৰতবৰ্ষৰ স্বাধীনতা আন্দোলনত প্ৰাণ আহুতি দিয়া বীৰ যোদ্ধা সকলক স্মৰণ কৰাৰ লগতে দেশক কেনেদৰে ভালপাই বীৰ যোদ্ধা সকলে প্ৰাণ আহুতি দিলে সেই সন্দৰ্ভত বক্তব্য প্ৰদান কৰে। বিদ্যালয়ৰ ছাত্ৰ-ছাত্ৰী, অভিভাৱক, বিদ্যালয়ৰ পৰিচালনা সমিতি, মাতৃগোট, শিক্ষক-শিক্ষয়িত্ৰী সকলে ঢুলীয়া পাৰ অঞ্চলৰ লগত চুবুৰীয়া গাঁও মৌপুৰীয়া অঞ্চললৈ শোভাযাত্ৰা কৰে । হাতে হাতে ত্ৰিৰংগা পতাকা লৈ দেশ প্ৰেম মূলক গীত জুৰি শোভাযাত্ৰাত অংশ লোৱা ছাত্ৰ-ছাত্ৰী সকলে দেশ প্ৰেম মূলক শ্লগান দি দেশৰ ৭৫ সংখ্যক স্বাধীনতা দিৱসৰ আজাদীকা অমৃত মহোত্সৱ সফল কৰি তোলে। ইয়াৰ উপৰিও বিদ্যালয়ে আয়োজন কৰা স্বাধীনতা দিৱসক বিষয় ৰূপে লৈ চিত্ৰাঙ্কন প্ৰতিযোগিতাও অনুষ্ঠানত কৰে। লগতে পুৱাৰ প্ৰাতঃ সভাত স্বাধীনতা দিৱসৰ ওপৰত ছাত্ৰ ছাত্ৰী সকলে বক্তব্য প্ৰদান কৰে ।