પાવીજેતપુર તાલુકાના નાનીબેજ ગામેથી જુગાર રમતા પાંચ જુગારીઓ પકડાયા
પાવીજેતપુર તાલુકાના નાનીબેજ ગામે પત્તા પાનાનો જુગાર રમતા પાંચ જુગારીઓને ૧૩,૪૦૦/- ના મુદ્દા માલ સાથે પાવીજતપુર પોલીસે પકડી પાડી કાયદેસરની કાર્યવાહી હાથ ધરી છે.
પાવીજેતપુર પોલીસને બાતમી હકીકત મળી હતી કે પાવીજેતપુર તાલુકાના નાનીબેજ ગામે દિનેશભાઈ રામાભાઇ નાયકા ની આવાસની ઓરડીના પાછળના ભાગે ખુલ્લી જગ્યામાં કેટલાક ઈસમો પૈસાની હાર જીતનો જુગાર રમી રમાડે છે. જે બાતમી આધારે પાવીજેતપુર પોલીસે નાનીબેજ ગામે રેડ કરતા બાતમીવાળી જગ્યા ઉપર ગોળ કુંડાળું વળી કેટલાક ઈસમો જુગાર રમતા દેખાયા હતા. પોલીસને નિહાળી આ જુગારીઓ ત્યાંથી ભાગવાનો પ્રયાસ કર્યો હતો પરંતુ પાવીજેતપુર પોલીસે કોર્ડન કરી પાછળ દોડી પાંચ ઈસમોને પકડી પાડયા હતા.
જુગાર રમી રમતા દાવ ઉપરના ૧૦,૬૫૦/- તથા પકડાયેલા પાંચે આરોપીની અંગજડતી કરતા ૨૭૫૦/- મળી કુલ ૧૩,૪૦૦/- રૂપિયાના મુદ્દા માલ સાથે જયપાલસિંહ ગણપતસિંહ સોલંકી, લાલુભાઈ રમેશભાઈ નાયકા, અર્જુનભાઈ ભીમસીંગભાઈ નાયકા, ગોપાલભાઈ લલીતભાઈ નાયકા આ ચારેય ઈસમો નાનીબેજ ના રહીશ હોય, જ્યારે યશપાલસિંહ નિર્ભયસિંહ સોલંકી રહે. પાવીજેતપુર મળી કુલ પાંચ આરોપીની ધરપકડ કરી પાવીજેતપુર પોલીસે કાયદેસરની કાર્યવાહી હાથ ધરી છે.
આમ, પાવીજેતપુર તાલુકાના નાનીબેજ ગામે થી પાવીજેતપુર પોલીસે રેડ કરી પાંચ જુગારીઓને ૧૩,૪૦૦/- રૂપિયાના મુદ્દા માલ સાથે ધરપકડ કરી કાયદેસરની કાર્યવાહી કરવામાં આવી છે.
