অহা জানুৱাৰী মাহৰ ৩ তাৰিখৰ পৰা ৬ তাৰিখলৈকে শিৱসাগৰ জিলা গুণোৎসৱ-২০২৪ৰ কাৰ্য্যসূচীসমূহ ৰূপায়ণৰ ব্যৱস্থা কৰা হৈছে ৷ উল্লেখযোগ্য যে, গুণোৎসৱৰ সমূহ কাৰ্য্যসূচী সুন্দৰ আৰু সফলভাৱে অনুষ্ঠিত কৰিবলৈ জিলাখনৰ বিদ্যালয়সমূহত শিক্ষক-শিক্ষয়িত্ৰী আৰু ছাত্ৰ-ছাত্ৰীৰ উপস্থিতি বাধ্যতামূলক কৰি বিদ্যালয় সমূূূূহৰ পৰিদৰ্শক দেৱজ্যোতি গগৈয়ে ইতিমধ্যে জাননী জাৰি কৰিছে ৷ এই গুণোৎসৱ সাফল্যমণ্ডিত কৰি তুলিবৰ বাবে বিদ্যালয়সমূহৰ পৰিদৰ্শকগৰাকীয়ে অভিভাৱক-অভিভাৱিকা আৰু সকলো ৰাইজৰ সহায়-সহযোগিতা একান্তই কামনা কৰিছে ৷৷