अत्याचारास कंटाळून युवतीची आत्महत्या. शैलेंद्र खैरमोडे वैजापूर : बहिणी - भावाच्या पवित्र नात्याला काळीमा फासणारी घटना तालुक्यात मंगळवारी सकाळी उघडकीस आली . एकाने स्वतःच्या चुलत बहिणीवर सातत्याने अत्याचार केल्याने सदरील युवतीने आत्महत्या केल्याची घटना घडली आहे . वैजापूर तालुक्यातील एका गावातील २५ वर्षीय चुलत भावाने स्वत : च्या १७ वर्षीय चुलत बहिणीवर अनेक महिने अत्याचार केला . त्यामुळे सदर युवती गरोदर राहिली . या युवकाच्या अत्याचारास कंटाळून सदरील युवतीने मंगळवारी सकाळी स्वत : च्या घरी विषारी द्रव्य प्राशन करून आत्महत्या केली . या प्रकरणी मयत युवतीच्या आईने दिलेल्या फिर्यादीवरून सदर युवकाविरुद्ध विरगाव पोलीस ठाण्यात बाल लैंगिक अत्याचार , बलात्कार व अन्य कलमांन्वये गुन्हा दाखल करण्यात आला . त्यानंतर आरोपी युवकास अटक करण्यात आली आहे . पुढील तपास सहायक पोलीस निरीक्षक शरदचंद्र रोडगे हे करीत आहेत .