বৰ্ষ ১৯৯৮চনত প্ৰতিষ্ঠা লাভ কৰা ৰহা আঞ্চলৰ সংবাদসেবী সকলৰ একমাত্ৰ অনুষ্ঠান ৰহা আঞ্চলিক সাংবাদিক সন্থাই চলিত বৰ্ষত গৌৰৱোজ্জ্বল ২৫টা বৰ্ষ সম্পূৰ্ণ কৰিছে।সেইয়ে অহা ২৪ ডিচেম্বৰত এদিনীয়া কাৰ্য্যসূচীৰে ৰূপালী জয়ন্তী উৎসৱ উদযাপন ৰ ব্যাপক প্ৰস্তুতি চলাই থকা হৈছে।
ৰহা আঞ্চলিক সাংবাদিক সন্থাৰ সভাপতি দীপক কুমাৰ শৰ্মা,সম্পাদক পংকজ বৰাই জানিবলৈ দিয়ে যে অহা ২৪ডিচেম্বৰত ৰহা পণ্ডিত গোপীনাথ বৰদলৈ বিদ্যাপীঠ প্ৰাঙ্গণত ৰূপালী জয়ন্তী উৎসৱ উদযাপন কৰা হব।
এই উপলক্ষে পূবা ৮বজাত ৰহা আঞ্চলিক সাংবাদিক সন্থাৰ সভাপতি দীপক কুমাৰ শৰ্মাই পতাকা উওোলন আৰু সম্পাদক পংকজ বৰাই বন্তি প্ৰজ্বলন কৰি ৰূপালী জয়ন্তী উৎসৱ কাৰ্য্যসূচীৰ শুভাৰম্ভ কৰাৰ পাছত ৮.৩০বজাত স্মৃতি তৰ্পন কৰিব ৰহা আঞ্চলিক সাংবাদিক সন্থাৰ উপদেষ্টা নোমল দাসে।
পূবা ৯.৩০বজাত ছাত্ৰ ছাত্ৰী ৰ মাজত চিত্ৰাংকন প্ৰতিযোগিতা অনুষ্ঠিত কৰাৰ পাছত দিনৰ ১১বজাৰ পৰা "সাম্প্ৰতিক সময়ত মফচলীয় সাংবাদিকৰ ভূমিকা"শিৰ্ষক আলোচনা চক্ৰ অনুষ্ঠিত হব।
লোক সংস্কৃতিৰ গৱেষক,বিশিষ্ট লেখক মিলেশ্বৰ পাতৰৰ সঞ্চালনাত অনুষ্ঠিত হব লগা আলোচনা চক্ৰৰ উদ্বোধন কৰিব ৰহা বিধানসভা সমষ্টিৰ বিধায়ক শশীকান্ত দাসে।
আলোচনা চক্ৰত সন্মানীয় অতিথি ৰূপে সদৌ অসম ছাত্ৰ সন্থাৰ মুখ্য উপদেষ্টা সমুজ্বল ভট্টাচাৰ্য্য, বিশিষ্ট সাংবাদিক,গল্পকাৰ মনোজ কুমাৰ গোস্বামী, মাজুলী দক্ষিনপাট সত্ৰৰ সত্ৰাধিকাৰ ননী গোপাল গোস্বামী, ৰাজ্য চৰকাৰৰ তথ্য ও জনসংযোগ,জলসম্পদ আৰু সংসদীয় পৰিক্ৰমা বিভাগ ৰ মন্ত্ৰী পীয়ুষ হাজৰিকা, নগাঁও লোকসভা সমষ্টিৰ সাংসদ প্ৰদ্যুৎ বৰদলৈ,জনপ্ৰিয় চলচ্চিত্ৰ অভিনেত্ৰী জুপিটৰা ভূঞা উপস্থিত থাকিব।
আলোচনা চক্ৰৰ পাছত সন্ধিয়া ৬বজাৰ পৰা বঁটা বিতৰন আৰু সম্বৰ্ধনা অনুষ্ঠান অনুষ্ঠিত হব।
৬.৩০বজাৰ পৰা স্থানীয় শিল্পী সকলৰ দ্বাৰা সাংস্কৃতিক অনুষ্ঠানৰ পাছত ৭বজাৰ পৰা আমন্ত্ৰিত শিল্পীৰ সংগীতানুষ্ঠান অনুষ্ঠিত হব।
সংগীতানুষ্ঠানৰ মুখ্য আকৰ্ষণ জনপ্ৰিয় কন্ঠশিল্পী ৰোহিত সোনাৰ আৰু ৰিছা ভৰদ্বাজৰ গীতৰ শৰাই।
ৰহা আঞ্চলিক সাংবাদিক সন্থাই সকলোৰে উপস্থিতিৰ কামনা কৰিছে।
