સમગ્ર વિશ્વની અગ્રણી અને પ્રતિષ્ઠિત ખેડૂતોની રાષ્ટ્રીય સહકારી સંસ્થા કૃષક ભારતી કો. ઓપરેટીવ લી.કૃભકો દ્વારા આજરોજ પંચમહાલ જિલ્લા સહકારી સંઘના ડિરેક્ટર મયુરધ્વજસિંહ પરમારની અધ્યક્ષતામાં હાલોલ તાલુકાના ઈશ્વરીયા (વાઘબોર્ડ) ગામે આવેલ ધી.હાલોલ તાલુકા સહકારી ખરીદ વેચાણ સંઘ લી.ના ગોડાઉનના પ્રાંગણ ખાતે હાલોલ તાલુકાના ખેડૂતોના લાભાર્થે તાલુકા કક્ષાની સહકારી પરિષદનું આયોજન કરવામાં આવ્યું હતું આ પ્રસંગે ઉપસ્થિત જિલ્લા સહકારી સંઘના ડિરેક્ટર મયુરધ્વજસિંહ પરમાર સહિત અગ્રણીજનો દ્વારા પ્રસંગને અનુરૂપ પ્રવચન આપી ખેડૂતોને ખેતી વિષયક માહિતી આપી માહિતગાર કરવામાં આવ્યા હતા આ પ્રસંગે કૃષક ભારતી કો. ઓપરેટીવ લિ.ના ક્ષેત્રીય પ્રતિનિધિ ઝેડ.એ.વાદી,સિનિયર એરિયા મેનેજર એમ. આર.ગોધાસરા,હાલોલ તાલુકા ભારતીય જનતા પાર્ટીના પ્રમુખ પ્રવિણસિંહ પરમાર,હાલોલ તાલુકા પંચાયતના પૂર્વ પ્રમુખ મહેન્દ્રસિંહ ચાવડા તેમજ ધી. હાલોલ તાલુકા ખરીદ વેચાણ સંઘ લિ.ના હોદ્દેદારો, સદસ્યો તેમજ મોટી સંખ્યામાં ખેડૂતો ઉપસ્થિત રહ્યા હતા.