আজাদী কি অমৃত মহোৎসৱৰ অংশ হিচাবে প্ৰধানমন্ত্ৰী নৰেন্দ্ৰ মোদীৰ "হৰ ঘৰ ত্ৰিৰংগা "সফল কৰাৰ উদ্দেশ্যে বুধবাৰে স্বাধীনতা দিৱসৰ প্ৰাক মুহূৰ্তত মান্দাকাটা কামাণ্ডো জোৱান সকলে হাতে হাতে ত্ৰিৰংগা লৈ বিশাল পদযাত্ৰা প্ৰদৰ্শন কৰে ৷

শতাধিক জোৱানে অংশগ্ৰহণ কৰা এই পদযাত্ৰা বেজেৰা বৰবংশৰ ৰাজহুৱা প্ৰেক্ষাগৃহত সামৰণি পৰে ৷মান্দাকাটাস্থিত কামাণ্ডো বেটেলিয়ানৰ কামাণ্ডেন্ট সঞ্জীৱ শইকীয়াৰ নেতৃত্বত উলিওৱা হয় এই সজাগতা ৰেলী । মান্দাকাটাস্থ

অসম আৰক্ষী কামাণ্ডো বেটেলিয়ানৰ পদযাত্ৰাকাৰী সকলক বেজেৰাত স্থানীয় গাঁওবুঢ়া দণ্ডধৰ ভূঞা আৰু প্ৰাক্তন আছু নেতা পংকজ বৰুৱাৰ নেতৃত্বত আদৰণি জনোৱা হয় ৷

"হৰ ঘৰ ত্ৰিৰংগা" কাৰ্য্যসূচীৰ অংশ হিচাপে কেইবাখনকৈ স্কুলত সজাগতা অভিযানৰ লগতে বিভিন্ন ৰাজহুৱা স্থানত চাফাই অভিযান চলোৱা বুলিও জোৱান সকলে অৱগত কৰে ৷