આજરોજ તારીખ 21.10.2023 ના રોજ મહંતશ્રી કે.ડી આદર્શ હાઇસ્કુલમાં નવરાત્રી મહોત્સવ- 2023 ની ઉજવણી કરવામાં આવી. કાર્યક્રમની શરૂઆત સરસ મજાની પ્રાર્થનાથી કરવામાં આવી. શ્રી સંસ્કાર મંડળ રામપુરાના મેનેજિંગ ટ્રસ્ટી પરમ પૂજ્ય શ્રી નિર્મલપુરીજી માતાજી, શાળાના આચાર્યશ્રી કે.પી રાજપૂત સાહેબ અને અનિતાબેન જાની અને અંકિતાબેન જોશી (ભારત વિકાસ પરિષદ સંયોજિકા) ના કર કમળોથી દીપ પ્રાગટ્ય થયું. પૂ .માતાજીનું અને બંને બહેનોનું શ્રી કે.પી રાજપુત સાહેબ દ્વારા પુષ્પગુચ્છ થી સ્વાગત થયું. પૂજ્ય માતાજી એ નવદુર્ગાના સ્વરૂપમાં રહેલી નવ બાળાઓની પૂજા અને આરતી કરી. શાળા પરિવારના તમામ સ્ટાફમિત્રો આમંત્રિત મહેમાનો અને શાળાના બાળકોએ ભેગા મળીને માતાજીની આરતી કરી. અને ત્યારબાદ સરસ મજાના ગરબાનું આયોજન થયું. શાળાના તમામ બાળકોએ ખૂબજ આનંદથી તેમાં ભાગ લીધો. ડીજે સાઉન્ડના તાલે સમગ્ર કેડી પરિવાર ગરબામાં આનંદભેર ઘૂમ્યો. ત્યારબાદ તમામ બાળકોને શાળા પરિવાર દ્વારા મહાપ્રસાદ (શીરા)નું અને કેળાનું વિતરણ કરવામાં આવ્યું. અને સમગ્ર કાર્યક્રમ ખૂબ જ આનંદથી અનેહોંસ ભેર પૂર્ણ કરવામાં આવ્યો...

 અહેવાલ : હર્ષદ પટેલ, ડીસા, બનાસકાંઠા