ব্যতিক্ৰমী জন্মদিন পালন।

বিধায়ক ধৰ্মেশ্বৰ কোঁৱৰৰ কন্যা মেঘালী কোঁৱৰে জন্মদিনত ৰোপণ কৰিলে গছপুলি ৷

সোণাৰি সমষ্টিৰ বিধায়ক ধৰ্মেশ্বৰ কোঁৱৰৰ একমাত্ৰ কন্যা মেঘালী কোঁৱৰে বিগত বৰ্ষৰ দৰে এইবাৰ নিজৰ ওপজা দিনটো আজি ব্যতিক্ৰমীভাৱে উদযাপন কৰে ৷ এই উপলক্ষত প্ৰকৃতিপ্ৰেমী যুৱতী গৰাকীয়ে কুৰি সংখ্যক জন্ম দিনত প্ৰদূষণ মুক্ত এক সুস্থ পৰিবেশ গঢ়ি তোলা লক্ষ্যৰে সোণাৰি কস্তুৰবা গান্ধী বালিকা বিদ্যালয় প্ৰাংগণত পৰিয়ালৰবৰ্গ,আত্মীয় স্বজন,বন্ধু-বান্ধবী, তথা শুভাকাংক্ষীৰ উপস্থিতিত গছপুলি ৰোপণ কৰি পুলি সমূহৰ সুৰক্ষাৰ বাবে বাঁহৰ ঘেৰা দিয়া ব্যৱস্থা কৰে ৷

এই কাৰ্যসূচীত মেঘালীৰ পিতৃ তথা বিধায়ক ধৰ্মেশ্বৰ কোঁৱৰ,মাতৃ মামনি কোঁৱৰসহ ভালেসংখ্যক শুভাকাংক্ষী উপস্থিত থাকি জন্মদিনৰ শুভেচ্ছা জ্ঞাপন কৰে ৷