আজি সোণাৰি কমাৰ্চ কলেজৰ প্ৰতিষ্ঠা দিৱস। ১৯৯১ চনৰ আজিৰ দিনটোতে প্ৰতিষ্ঠা লাভ কৰিছিল চৰাইদেউ জিলাৰ এই শিক্ষানুষ্ঠান খনে। চৰাইদেউ জিলাৰ সদৰ সোণাৰিৰ লগতে পাৰ্শ্বৱৰ্তী অঞ্চলসমূহৰ অন্যতম উচ্চ শিক্ষানুষ্ঠান সোণাৰি কমাৰ্চ কলেজত বাণিজ্য আৰু কলা দুয়োটা শাখাৰে পাঠ্যক্ৰমত নামভৰ্তিৰ সুবিধা আছে। উল্লেখ্য যে, এই শিক্ষানুষ্ঠান খনৰ মেধাৱী ছাত্ৰ প্ৰিয়াংশু দাসে উচ্চতৰ মাধ্যমিক চূড়ান্ত পৰীক্ষাৰ বাণিজ্য শাখাত অসমৰ ভিতৰতে দশম স্থান দখলেৰে চৰাইদেউ জিলালৈ গৌৰৱ কঢ়িয়াই আনিছে।