শিৱসাগৰ জিলাৰ মানটনীয়া গাঁৱত ৰামধেনু বয়ন শিল্প প্ৰতিষ্ঠানৰ শুভাৰম্ভ কৰে জিলা উন্নয়ণ আয়ুক্ত বিতোপন নেওঁগৰ। বৃহস্পতিবাৰে জিলা উন্নয়ণ আয়ুক্ত কাৰ্য্যালয়ৰ পৰাসবিশেষ তথ্য জানিব পৰা মতে দেওৰজা গাঁও পঞ্চায়তৰ মান টনীয়া গাঁৱত বাইশটা আত্মসহায়ক গোটৰ উমৈহতীয়া সংগঠন ৰামধেনু গ্ৰাম্য সংগঠনৰ ষাঠিগৰাকী শিপিনীৰ সহযোগিতাত একত্ৰিত ৰূপত ৰামধেনু বয়ন শিল্প নামেৰে নতুনকৈ গঢ় দিয়া প্ৰতিষ্ঠানটিৰ শুভাৰম্ভ কৰাহয় জিলা উনয়ণ আয়ুক্ত বিতোপন নেওঁগৰ দ্বাৰা। শিৱসাগৰ জিলাৰ অসম ৰাজ্যিক জীৱিকা অভিযানৰ প্ৰকল্প প্ৰৱন্ধক ডাঃ সুৰজ্যোতি গগৈৰ লগতেউপস্থিত থাকে খণ্ড প্ৰকল্পৰ প্ৰৱন্ধক প্ৰবুদ্ধ গগৈ। তদুপৰি গৌৰিসাগৰ উন্নয়ণ খণ্ডৰ খণ্ড সমন্বয়ক সকলৰ লগতে জীৱিকা সখীসকল উপস্থিত থাকে এই কাৰ্য্য সূচীত।