লালুক আঞ্চলিক ছাত্ৰ সন্থাৰ উদ্যোগত আজিৰে পৰা লালুক একাডেমী উচ্চ মাধ্যমিক বিদ্যালয়ত নৱম আৰু দশম শ্ৰেণীৰ গ্ৰীষ্মকালীন বিনামূলীয়া পাঠদান কাৰ্যসূচীৰ শুভাৰম্ভ কৰে৷ উক্ত শুভাৰম্ভণি অনুষ্ঠানটো পৰিচালনা কৰে লালুক আছুৰ সভাপতি দিব্যজ্যোতি গগৈয়ে৷ অনুষ্ঠানত লালুক একাডেমী উচ্চ মাধ্যমিক বিদ্যালয়ৰ প্ৰধান শিক্ষক ধীৰাজ কুমাৰ বৰা, লালুক উঃ মাঃ বিদ্যালয়ৰ সহ শিক্ষক গিৰিশ বৰা,চি আৰ চি চি নাৰায়ণ চন্দ্ৰ শৰ্মা,সদৌ লখিমপুৰ জিলা ছাত্ৰ সন্থাৰ উপ সভাপতি জয়ন্ত বৰা৷ উক্ত বিনামূলীয়া পাঠদান কাৰ্যসূচীত নৱম আৰু দশম শ্ৰেণীৰ ছাত্ৰছাত্ৰীৰ গণিত,বিজ্ঞান আৰু ইংৰাজী বিষয়ৰ পাঠদান আগবঢ়াব বুলি লালুক আছুৰ সম্পাদক জীন গোস্বামীয়ে জনাইছে৷