দেশৰ ৭৬ সংখ্যক স্বাধীনতা দিৱসক লৈ ৰাজ্যৰ প্ৰান্তে প্ৰান্তে পৰিলক্ষিত হৈছে ব্যাপক উৎসাহ উদ্দীপনা ৷ ব্যতিক্ৰম নহয় ঢকুৱাখনাটো ৷ ঢকুৱাখনা মহকুমা প্ৰশাসনৰ উদ্যোগত ঢকুৱাখনা ৰাজহুৱা খেলপথাৰত উদযাপন কৰা হব স্বাধীনতা দিৱস। স্বাধীনতা দিৱসকলৈ পেৰেডৰ অনুশীলন অব্যাহত ৰাখিছে অসম আৰক্ষীৰ জোৱান সকলৰ লগতে বিভিন্ন শিক্ষানুষ্ঠানৰ ছাত্ৰ - ছাত্ৰী সকলে। মুঠ ২১ টা দলে অংশগ্ৰহণ কৰিব পেৰেডত ৷ ইতিমধ্যে প্ৰস্তুতি তুংগত কৰি তুলিছে প্ৰতিটো দলে ৷ প্ৰায় ২১ টাতকৈ মাৰ্চ - পাৰ্চৰ দলে অংশ লোৱা উক্ত অনুষ্ঠানৰ পতাকা উত্তোলন কৰিব ঢকুৱাখনা মহকুমাৰ ভাৰপ্ৰাপ্ত অতিৰিক্ত উপায়ুক্ত অৰিন্দম বৰুৱাই ।