দৰং জিলাৰ খাৰুপেটীয়া আৰক্ষী থানাৰ অন্তৰ্গত বালুগাঁৱৰ ১৫নং ৰাষ্ট্রীয় ঘাই পথত আজি সংঘটিত হয় এক ভয়ংকৰ পথ দুৰ্ঘটনা ফলত আলিকাষ গাঁৱৰ আহেদ আলী(৩৫) নামৰ এগৰাকী ব্যৱসায়ী থিতাতে নিহত হয়। জানিব পৰা মতে বালুগাঁৱৰ ১৫ নং ৰাষ্ট্রীয় ঘাইপথৰ কাষত লোক জনে তেওঁৰ AS13 R 4654 নম্বৰৰ বাইকৰ ওপৰত ৰৈ থকা অৱস্থাত খাৰুপেটীয়াৰ পৰা দলগাওঁ অভিমুখে গৈ থকা AS 15L 1002 নম্বৰৰ মাৰুতী এটাই প্ৰচণ্ড খুন্দা মাৰে যাৰ ফলত গুৰুতৰ ভাবে আহত যদিও অলপ সময় পিছতেই ৰাজপথতে লোক জনৰ মৃত্যু হয় আৰু তাৰ পিছতে উত্তপ্ত পৰিস্থিতিৰ সৃষ্টি হয় সমগ্ৰ অঞ্চলটোত।