સુરેન્દ્રનગર એલસીબી ટીમ શહેર વિસ્તારમાં હોવા દરમિયાન જુગાર અંગે બાતમી મળી હતી. આથી વઢવાણ જીઆઇડીસી શ્રીજીદર્શન સોસાયટીમાં દરોડો કરાયો હતો. જ્યાંથી 4 શખસને રોકડા, મોબાઇલ, કાર સહિત રૂ. 5.43 લાખના મુદ્દામાલ સાથે ઝડપી પડાયા હતા.વઢવાણ જીઆઇડીસીમાં શ્રીજીદર્શન સોસાયટીમાં હિતેષભાઇ કલ્યાણભાઇ પટેલના ફલેટમાં દરોડો કરાયો હતો. જ્યાં જુગાર રમતા શ્રીજીદર્શન સોસાયટીના હિતેષભાઇ કલ્યાણભાઇ શીહોરા, અમદાવાદ માંડલના કાંતીભાઇ ભગવાનભાઇ શિહોરા, મહેસાણા કડીના કિરણભાઇ ધનજીભાઇ મકવાણા, અમદાવાદ માંડલના અંકીતભાઇ કિરીટભાઇ વડગામીયાને ઝડપી પડાયા હતા. તેમની પાસેથી રોકડા રૂ.2,08,000, મોબાઇલ રૂ.1,35,000, કાર રૂ.2,00,000 સહિત રૂ.5,43,000નો મુદ્દામાલ જપ્ત કરાયો હતો. આ કાર્યવાહીમાં એલસીબી પીઆઇ વી.વી.ત્રિવેદીના માર્ગદર્શનમાં એએસઆઇ એસ.વી. દાફડા, લક્ષ્મણસિંહ, વિજયસિંહ, મેહુલભાઇ સહિત એલસીબી ટીમ જોડાઇ હતી.