অসম আৰক্ষীয়ে শনিবাৰে গুৱাহাটীত ড্ৰাগছ সৰবৰাহৰ চেষ্টা আটক কৰি ৬ জন লোকক গ্ৰেপ্তাৰ কৰিছে বুলি বিষয়াসকলে জানিবলৈ দিয়ে।
এক চৰকাৰী বিবৃতি অনুসৰি, নিৰ্দিষ্ট ইনপুটৰ ভিত্তিত কাম কৰি আৰক্ষীয়ে মহানগৰীৰ খানাপাৰা অঞ্চলত অভিযান চলায়।
তেওঁলোকৰ হাতৰ পৰা ৩৩টা শিশিত লুকুৱাই ৰখা কমেও ৪৬ গ্ৰাম হেৰ’ইন জব্দ কৰা হৈছে।
ধৃত ৬ জনৰ ভিতৰত এজন মেঘালয়ৰ বৰ্ণিহাট চুবুৰীৰ বাসিন্দা। ২৮ বছৰীয়া যুৱকজনৰ নাম সঞ্জয় বিশ্ব। চিনাক্ত হোৱা আন ধৃত লোক কেইজন হ’ল-অৱতাৰ সিং, শ্যামল পেগু, বিকাশ আলী, নয়ন তালুকদাৰ আৰু যুৱৰাজ কল্যাণ।
আৰক্ষীয়ে গ্ৰেপ্তাৰ কৰা লোককেইজনৰ জেৰা অব্যাহত ৰাখিছে। বিষয়টোৰ অধিক তদন্ত অব্যাহত আছে।
সংশ্লিষ্ট ধাৰাত এটা গোচৰো ৰুজু কৰা হয়।
