নাৰায়ণপুৰ ৰাজহ চক্ৰৰ উদ্‌যাপন কৰিবলগীয়া দেশৰ আজাদী কা অমৃত মহোৎসৱ আৰু স্বাধীনতা দিৱসৰ লগত সংগতি ৰাখি অসম চৰকাৰৰ নিৰ্দেশ অনুসৰি মঙ্গলবাৰে নাৰায়ণপুৰ ৰাজহচক্ৰটোৰ উদ্যোগত আৰু সকলো চৰকাৰী বিভাগৰ সহযোগত চক্ৰ বিষয়া সোণতৃষ্ণা ঘৰফলীয়াৰ নেতৃত্বত ৰাজহচক্ৰটোত উলিওৱা হয় এক বাইক ৰেলী ৷ নাৰায়ণপুৰ ৰাজহচক্ৰৰ পৰা আৰম্ভ হোৱা বাইক ৰেলীটো ধলপুৰ শিমলুগুৰি ৰঙতি ভোগপুৰ হৈ পুনৰ ৰাজহচক্ৰ কাৰ্যালয়ত সামৰণি মাৰে ৷ জনসাধাৰণৰ মাজত স্বাধীনতা দিৱসৰ উৎসাহ উদ্দীপনা আৰু সাহস বৃদ্ধি কৰাৰ উদ্দেশ্যে প্ৰতিখন বাইকত ৰাষ্ট্ৰীয় পতাকা উৰুৱাই চক্ৰ বিষয়াগৰাকীৰ নেতৃত্বত বাইক ৰেলী কৰা হয় ৷ চৰকাৰৰ এনে প্ৰদক্ষেপে জনসাধাৰণৰ মাজত স্বাধীনতা দিৱস উদ্‌যাপনৰ উৎসাহ বৃদ্ধি পোৱা পৰিলক্ষিত হৈছে ৷