অসম চৰকাৰৰ পৰিৱেশ -বনবিভাগ আৰু  শিৱসাগৰ জিলা প্ৰশাসনৰ প্ৰচেষ্টাত ৰাজ্য চৰকাৰে হাতত লোৱা অমৃত বৃক্ষৰোপণ আন্দোলনৰ অংশ হিচাপে জিলাখনৰ গেলেকীৰ আঠখেল চাহ বাগিছাত কমসময়ত অধিক গছপুলি ৰোপনেৰে গীণিজ বুক অফ ৱৰ্ল্ড ৰেকৰ্ডত অসমৰ নাম সন্নিৱিষ্ট কৰাৰ প্ৰচেষ্টাৰে এক কাৰ্য্যসূচী অনুষ্ঠিত হয় ৷ উল্লেখযোগ্য যে, এই কাৰ্য্যসূচীৰ জড়িয়তে ১২২৯ গৰাকী ছাত্ৰীয়ে ৫৮.৪৮ ছেকেণ্ডত ১২২৯ টা গছপুলি ৰোপণ কৰি গীণিজ বুক অফ ৱৰ্ল্ড ৰেকৰ্ডত অসমৰ নাম সন্নিৱিষ্ট কৰাৰ বাবে চেষ্টা চলায় ৷ উক্ত কাৰ্য্যসূচীত অসম চৰকাৰৰ বনমন্ত্ৰী চন্দ্ৰমোহন পাটোৱাৰী, ৰাজহ মন্ত্ৰী যোগেন মহন, অৰণ্য মানৱ যাদৱ পায়েং, জিলা আয়ুক্তৰ লগতে অন্যান্য  প্ৰশাসনীয় বিষয়াসকল আৰু বনবিভাগৰ বিষয়াসকল উপস্থিত থাকে ৷৷