દિયોદર તાલુકાના કુવાતા ગામે 70 વર્ષીય વૃદ્ધનો શંકાસ્પદ હાલતમાં મૃતદેહ મળ્યો હતો. જેઓ સોમવારે વહેલી સવારે ખેતરેથી ગામમાં મંદિરે દીવા કરવા ગયા બાદ પરત ન ફરતા પરિવારે તપાસ કરી હતી. આ અંગે દિયોદર પોલીસ મથકે જાણ કરતા પોલીસે વધુ તપાસ હાથ ધરી હતી.આ બનાવે ચકચાર જગાવી છે.
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
દિયોદર તાલુકાના કુવાતા ગામે ખેતરમાં રહેતા અરજણભાઈ પ્રહલાદભાઈ માજીરાણા (ઉં.વ.70) નિત્યક્રમ મુજબ સોમવારે સવારે સાત કલાકે ગામમાં આવેલ સગત માતાના મંદિરે દીવા કરવા માટે ગયા હતા. ત્યાંથી પરત ફર્યા ન હતા. ત્યારે સાંજે પાંચ કલાક આસપાસ તેમના દીકરા સ્વરૂપ જી અરજણજી માજીરાણા તપાસ કરવા જતા મંદિરની પાસે તેમના પિતાની લાશ જોઈ ચોકી ઉઠ્યા હતા. આ બનાવની જાણ થતા ઘટના સ્થળે લોકોના ટોળેટોળા ઉમટયા હતા.
આ અંગે મૃતકના દીકરા સ્વરૂપજી અરજણજી માજીરાણાએ દિયોદર પોલીસ મથકે જાણ કરતા પોલીસે અકસ્માતે મોતનો ગૂનો નોંધી મૃતદેહનું રેફરલ હોસ્પિટલમાં પી.એમ. કરાવી વધુ તપાસ પી.એસ.આઇ. જે. એન. દેસાઇ ચલાવી રહ્યા છે.
