পাটনা, ৯ আগষ্ট (হি.স.)। বিহাৰত ৰাজনৈতিক সংকটৰ মাজতে ৰাজ্যখনৰ মুখ্যমন্ত্ৰী নীতিশ কুমাৰে মংগলবাৰে আবেলি ৪ বজাত ৰাজ্যপাল ফাগু চৌহানক সাক্ষাৎ কৰে। ইয়াৰ পূৰ্বে মুখ্যমন্ত্ৰী নীতিশ কুমাৰেও ৰাবড়ী দেৱীক সাক্ষাৎ কৰে। এই সময়ছোৱাত তেজস্বী যাদৱে মহাজোটৰ বিধায়কসকলে স্বাক্ষৰ কৰা সমৰ্থন পত্ৰ মুখ্যমন্ত্ৰীক হস্তান্তৰ কৰিছে।
পুৱাৰে পৰা মুখ্যমন্ত্ৰী নীতিশ কুমাৰৰ বাসভৱনত জেডি(ইউ)ৰ বিধায়িনী দলসমূহৰ এক বৈঠকত বিজেপিৰ সৈতে মিত্ৰতা ভংগ কৰাৰ ঘোষণা কৰা হয়। বিধায়িনী দলৰ বৈঠকত জেডি(ইউ) আৰু বিজেপিৰ সৈতে থাকিব নোৱাৰে বুলি স্পষ্ট কৰি দিয়ে। বিজেপিয়ে বাৰে বাৰে জেডি(ইউ)ক দুৰ্বল কৰিবলৈ চেষ্টা কৰিছে। বিজেপিয়ে জেডি(ইউ)ক অপমানিত কৰিছে বুলিও আক্ৰোশমূলক মন্তব্য কৰে। বৈঠকত নীতিশ কুমাৰে জেডি(ইউ)ৰ সাংসদ আৰু বিধায়কসকলক কয় যে বিজেপিয়ে কেনেদৰে তেওঁৰ দল ভাঙিবলৈ চেষ্টা কৰি আছে। সেইকাৰণে জেডি(ইউ)য়ে তেওঁলোকৰ দল ভাঙি পেলোৱা দল এটাৰ সৈতে আৰু সম্পৰ্ক ৰাখিব নিবিচাৰে বুলি অকপটে কয়।
অৱশ্যে, দলটোৱে এতিয়ালৈকে মিত্ৰতা সমাপ্ত কৰাৰ বিষয়ে আনুষ্ঠানিক ঘোষণা কৰা নাই।
