અજાણ્યા મોબાઈલ નંબરો પરથી દાહોદ, બુરહાની સોસાયટીમાં રહેતી ૩૬ વર્ષીય મહિલાના વોટસએપ પર મેસેજ કરી વાઉચર નંબરો મોકલી વાઉચર સીલેક્ટ કરાવી એક કરોડ ચાલીસ લાખની લોટરી લાગેલ હોવાનું જણાવી રૂપિયા નહીં મોકલે તો પોલિસ પકડી જશે. તેવી બીક બેસાડી તે મહિલા પાસેથી જુદા જુદા એકાઉન્ટમાં જુદી જુદી તારીખે કુલ મળી રૂપિયા ૧૭ લાખ ઉપરાંતની માતબર રકમ નંખાવી રૂપિયા મેળવી વોટસએપ ઉપરથી મેસેજાે ડીલીટ કરી મહિલા સાથે ઓનલાઈન છેતરપીંડી કર્યાનું સામે આવ્યું છે. ( રાજ કાપડિયા 9879106469 સમાચાર અને જાહેરાત આપવા માટે સંપર્ક કરો)કોઈ અજાણ્યા ઈસમે તા. ૧૯-૫-૨૦૨૩ થી તા.૨૧-૬-૨૦૨૩ સુધી ના સમય ગાળામાં દાહોદ બુરહાની સોસાયટીમાં સીરીન એપાર્ટમેન્ટમાં રહેતા ૩૬ વર્ષીય રશીદાબેન હુસેનભાઈ મનસુરભાઈ મુલ્લા મીઠાને વોટસએપ પર તેના જુદા જુદા મોબાઈલ નંબરો ૮૪૮૩૦૨૩૨૨૮, ૯૭૫૬૮૬૨૫૫૬, ૯૩૪૫૦૩૪૩૬૮, ૯૨૩૦૮૯૬૦૦૫૬૫, ૮૯૦૨૧૮૭૭૬૮, ૯૧૨૦૪૫૫૯૯૦, તેમજ ૪૪૭૩૫૫૯૪૭૦૬૫ પરથી વોટસએપ પર મેસેજ કરી વાઉચર નંબરો મોકલી વાઉચર નંબર સિલેક્ટ કરાવી રશીદાબેન મુલ્લામીઠાને ગિફટમાં એક ડાયમંડ સેટ, એક ગોલ્ડ સેટ, એક આઈફોન મોબાઈલ અને પાઉન્ડ મળી કુલ રૂપિયા એક કરોડ ચાલીસ લાખની લોટરી લાગેલ હોવાનું જણાવી તેમજ રશીદાબેનને રૂપિયા નહી મોકલો તો પોલીસ પકડી જશે, તેવી બીક બેસાડી રસીદાબેન પાસેથી તેના જુદા જુદા એકાઉન્ડમાં જુદી જુદી તારીખે રૂપિયા ૧૭,૦૧,૬૦૦ નંખાવી રૂપિયા મેળળી લીધા બાદ તે ઈસમે વોટ્સએપ ઉપરથી મેસેજાે ડીલીટ કરી કોઈ ગિફટ ન આપી રશીદાબેન સાથે છેતરપીંડી કરી હતી.
આ સંબંધે ઓનલાઈન ફ્રોડનો ભોગ બનેલ દાહોદ બુરહાની સોસાયટીમાં સીરીન એપાર્ટમેન્ટમાં રહેતા રશીદાબેન હુસેનભાઈ મનસુરભાઈ મુલ્લામીઠાએ દાહોદ બી ડીવીઝન પોલિસ સ્ટેશને ફરિયાદ નોંધાવતા પોલિસે આ મામલે ઈ.પિ.કો કલમ ૪૦૬, ૪૨૦, ૩૮૪ તથા આઈ.ટી.એક્ટ કલમ ૬૬સી, ૬૬ડી મુજબ ગુનો નોંધી આગળની કાર્યવાહી હાથ ધરી છે.
