ছয় বাজি চাৰি মিনিটত অবতৰণ কৰিব চন্দ্ৰযান ৩ ৷ইতিমধ্যে অসম চৰকাৰৰ শিক্ষা বিভাগে ছাত্ৰছাত্ৰী সকলক উক্ত বিৰল দৃশ্য উপভোগ কৰাবলৈ আবেলি ৫-৩০ বজাত বিদ্যালয়  খোলাৰ ব্যৱস্থা কৰিবলৈ নিৰ্দেশ দিছে৷শিক্ষা বিভাগৰ নিৰ্দেশ মানি নলবাৰী আৰু কামৰূপ জিলাৰ মধ্যবৰ্তী বাহাৰঘাট অঞ্চলৰ সকলো বিদ্যালয়ে যাৱতীয় ব্যৱস্থা গ্ৰহণ কৰা দেখা গৈছে৷আনহাতে একাংশ ৰাইজে নামঘৰ,মন্দিৰত প্ৰাৰ্থনা কৰাৰ সমান্তৰালভাৱে ইছলাম ধৰ্মী লোক সকলে মছজিদত দোৱা কৰা পৰিলক্ষিত হৈছে৷মুঠৰ ওপৰত সকলো ৰাইজ তৎপৰ হৈছে চন্দ্ৰযান ৩ অবতৰণৰ বিৰল মুহুৰ্ত উপভোগ কৰাৰ বাবে৷