હાલોલ ટાઉન પોલીસ મથકની ટીમ નિત્યક્રમ મુજબ કાયદો વ્યવસ્થાને લઈને પેટ્રોલિંગમાં હતી ત્યારે ટાઉન પોલીસને મળેલી ચોક્કસ બાતમીના આધારે ટાઉન પોલીસની ટીમે હાલોલ જીઆઇડીસી ખાતે આવેલ ગણેશનગરના ફળિયાના રોડ પર ચાલતા જુગારધામ પર છાપો માર્યો હતો જેમાં ટોળે વળી પત્તા પાનાનો હાર જીતનો પૈસા વડે જુગાર રમતા ઈસમોમાં પોલીસનો છાપો પડતા દોડધામ મચી જવા પામી હતી જેમાં પોલીસે નાસભાગ કરતાં ઈસમોને ઝડપી પાડવા સ્થળ પર ઘેરો ઘાલી સ્થળ પરથી 5 ખેલીઓને ઝડપી પાડ્યા હતા જેમાં સ્થળ પરથી રંગે હાથે ઝડપાયેલા ખેલીઓ નિલેશકુમાર માવજીભાઈ કટારા,સોમાભાઈ રમેશભાઈ રાઠવા,અજયભાઈ રાણાજી વણઝારા,કિશોરકુમાર ભરતસિંહ ગોહિલ અને રમેશભાઈ બલ્લુભાઈ સેનવાની અંગ ઝડતી કરી 6,730/- રૂ.ની રોકડ રકમ અને દાવ પર લાગેલ 4,550/- રૂ.ની રોકડ રકમ મળી કુલ 11,280/- રૂ.નો મુદ્દા માલ ઝડપી પાડયો હતો જેમાં ઝડપાયેલા તમામ 5 આરોપીઓ સામે ટાઉન પોલીસ મથકે જુગારધારા એકટ હેઠળ પોલીસે ગુનો નોંધી આગળની કાયદાકીય કાર્યવાહી કરી છે.
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
