પાણશીણા પોલીસ મથકના તાબા હેઠળ આવતા લીંબડી તાલુકાના ગ્રામ્ય વિસ્તારોમાં પોલીસ ટીમ દ્વારા પેટ્રોલીંગ કામગીરી હાથ ધરવામાં આવી હતી. તે દરમિયાન બાતમી મળી હતી કે ભોજપરા ગ્રામ પંચાયત નજીક અમુક શખસો જુગાર રમી રહ્યા છે. આથી પીએસઆઈ પી.આર.મોડ પોલીસ ટીમ સાથે બાતમીના સ્થળે દરોડો પાડી અબુ અલારખાભાઈ સંઘરીયાત, કરીમ રસુલભાઈ વારૈયા અને પ્રભુ ભાવુભાઈ ઝાપડીયાને જુગાર રમતા ઝડપી પાડ્યા હતા. પકડાયેલા શખસો પાસેથી રોકડ 7270 રૂ.નો મુદ્દામાલ કબજે કરવામાં આવ્યો હતો.