অৱশেষত লোকনিৰ্মান বিভাগে যাতায়তৰ বাবে বন্ধ কৰি দিলে দামোদৰধামৰ সঠাইজানৰ ওপৰত থকা পকীদলং৷উল্লেখ্য যে অতিপাত বিপদসংকুল হৈ পৰিছিল উক্ত পকীদলং খন৷দলংখনৰ ওপৰ ভাগৰ পকী প্লাস্টাৰ সমূহ চকলাচকল এৰি গৈ ৰ’দ সমূহ উন্মুক্ত হৈ পৰিছিল৷আনহাতে এটা অংশ সম্পূৰ্ণ বহি গৈ বিপদজনক হৈ পৰিছিল৷এইসম্পৰ্কে বিভিন্ন সংবাদ মাধ্যমত বাতৰি প্ৰকাশ হোৱাৰ পিচতে লোকনিৰ্মান বিভাগে পথবন্ধৰ ফলক লগাই দিছিল যদিও লোকনিৰ্মান বিভাগৰ জাননীকো অহেলা কৰি একাংশ চালকে গধুৰ যানবাহন বোজা সহ পাৰ কৰি আছিল৷এইবোৰ কাৰ্য্য ৰাইজ তথা সংবাদ মাধ্যমৰ দৃষ্টিগোচৰ হোৱাত বিষয়টো লোকনিৰ্মান বিভাগক অৱগত কৰে৷উপায়ন্তৰ হৈ লোকনিৰ্মান বিভাগে দলংখনৰ দুয়োমুৰে লোহাৰ ৰেলিং দি সম্পূৰ্ণ বন্ধ কৰি দিয়ে৷বৰ্তমান যানবাহন সমূহ আঠঘৰিয়া দুৰ্গামন্দিৰৰ কাষৰ পথৰে পাণ্ডুলা আৰু আঠঘৰিয়া কুশটোলাৰ পৰা কোটালকুছি হৈ অহাযোৱা কৰিব পাৰিব৷