ডিব্ৰুগড় জিলাৰ মৰাণ ৰাজহ চক্ৰ বিষয়াৰ কাৰ্য্যালয়ৰ অন্তৰ্গত মৰাণ তিলৈ স্থিত বাজপেয়ী ভৱনত মুখ্যমন্ত্ৰীৰ সাহাৰ্য্য পূঁজিৰ চেক বিধায়ক চক্ৰধৰ গগৈয়ে বুধবাৰে বিয়লি প্ৰায় তিনিমান বজাত বিতৰণ কৰে। মৰাণ বিধান সভা সমষ্টিৰ অন্তৰ্গত মুঠ দুশ আশী গৰাকী পুৰুষ আৰু মহিলালৈ ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাৰ মুখ্যমন্ত্ৰী সাহাৰ্য্য পূঁজিৰ শিতানৰ পৰা চেক যোগে পূঁজি বিতৰণ কৰে। এই অনুষ্ঠানত ভাৰতীয় জনতা পাৰ্টিৰ খোৱাং মণ্ডলৰ সভাপতি আৰু বিষয় ববীয়াক প্ৰমুখ্যে কৰি কাৰ্যকৰ্তা আৰু হিতাধিকাৰী সকল উপস্থিত থাকে।