মাজুলী, ৪ আগষ্টঃ মাজুলীৰ অন্যতম উচ্চ শিক্ষানুষ্ঠান উজনি মাজুলী খেৰকটীয়া মহাবিদ্যালয়ে ৫০ বছৰ সম্পুৰ্ণ কৰাত ইতিমধ্যে ২০২২ বৰ্ষৰ ১ জুলাইৰ পৰা বছৰজোৰা কাৰ্যসূচীৰে সোণালী জয়ন্তী বৰ্ষ উদযাপন কৰি থকা হৈছে৷ মহাবিদ্যালয়খনৰ গৌৰৱোজ্বল সোণালী জয়ন্তী সামৰণী অনুষ্ঠানত এখনি স্মৃতিগ্ৰন্থ প্ৰকাশৰ দিহা কৰিছে৷ উক্ত স্মৃতিগ্ৰন্থৰ বাবে সম্পাদনা সমিতিৰ মুখ্য সম্পাদক ড০ বিউটি গগৈয়ে শুভাকাংক্ষী ৰাইজৰ পৰা লেখা আহ্বান কৰিছে৷ লেখাসমূহ মৌলিক হোৱাৰ লগতে ১৫০০ শব্দৰ অধিক হ’ব নোৱাৰিব ৷ লেখাসমূহ ৩১ অক্টোবৰ, ২০২৩ তাৰিখৰ ভিতৰত পোৱাকৈ উজনি মাজুলী খেৰকটীয়া মহাবিদ্যালয়ৰ সোণালী জয়ন্তী উদযাপন সমিতিৰ কাৰ্যালয়লৈ পোনপটীয়াকৈ প্ৰেৰণ কৰিব পাৰিব অথবা umkc50sr@gmail.com মেইলত নাইবা ৮৬৩৮৭-৮২৯৬২ হোৱাইটচএপ নম্বৰত পঠাব পাৰিব৷