થાન તાલુકાના ખાખરાથળ ગામે રામજી મંદિરના ચોરા પાસે જાહેરમાં તીનપત્તીનો જુગાર રમાતો હોવાની બાતમીના આધારે થાન પોલીસે રેડ કરી હતી. જેમાં જીતુભાઈ ઉર્ફે લાલો વાઘુભાઈ ધાંધલ, રમેશભાઈ ઉર્ફે જાડીયો મનજીભાઇ રંગપરા, રાજુભાઈ કાનભાઇ ખાચર, ઘુઘાભાઈ સાર્દુળભાઈ ખાચર તીનપત્તીનો જુગાર રમતા પકડાયા હતા.જ્યારે રણછોડભાઈ મોતીભાઈ રબારી, મલાભાઈ નાનુભાઈ સારદીયા, વિજયભાઈ ગભરૂભાઇ માલા, કુલદીપભાઈ બાબભાઇ ખાચર, રઘુભાઈ રામાભાઇ, અરવિંદભાઇ વિનાભાઇ અને હકુભાઈ વિક્રમભાઈ ધાંધલ નાસી છૂટ્યા હતા. જુગારના સ્થળ પરથી રૂ. 32000ની રોકડ, રૂ. 45,000ની કિંમતના 6 મોબાઇલ, રૂ. 1,45,000ની કિંમતના 3 બાઇકો, રૂ. 2,00,000ની સ્વીફ્ટ ગાડી સહિત રૂ. 4,22,000ના મુદ્દામાલનો મુદ્દામાલ જપ્ત કરવામાં આવ્યો હતો.આ દરોડામાં થાન પીઆઈ આઇ.બી.વલવી, રામભા ડી.રાજૈયા, કરશનભાઈ લોહ, મુનાભાઇ એન.રાઠોડ, મનોજકુમાર પી.ઝાલા સહિતના સ્ટાફે કામગીરી કરી હતી. બીજી તરફ થાનગઢ પોલીસ સ્ટેશન વિસ્તારોમાં દારૂ-જુગારની બદ્દીને દુર કરવા માટે પેટ્રોલિંગ સાથે દરોડાઓની પોલીસે કાર્યવાહી કરતા જુગારીઓ તેમજ દારૂ પીતા અને દારૂનું વેચાણ કરતા શખ્સોમાં ફફડાટ ફેલાયો હતો.
कृष्णा हाइट्स की ओर सभी कोटा एवं बूंदी वासियों को नवरात्री, दशहरा तथा दीपावली की हार्दिक शुभकामनायें |
