શહેરમાં રબારી વાસમાં જુગાર રમતાં 8 પકડાયા

હળવદ શહેરમાં જુગારધામ મોરબી એલસીબી પોલીસે ઝડપી લીધું છે જેમાં રબારી વાસમા ધમધમતા જુગારધામમા 8 જુગારીઓને 58 હજારના મુદ્દામાલ સાથે ઝડપી પાડી આગળની કાર્યવાહી હાથ ધરવામાં આવી છે.

હળવદ શહેરના રબારી વાસમા પ્રતાપભાઇ પ્રભુભાઇ રબારી ગંજીપતા વડે પૈસાની હારજીતનો તીન પતીનો જુગાર નાલ ઉઘરાવી જુગારનો અખાડો ચલાવે છે, જે બાતમીના આધારે રબારીવાસમાં રહેણાંક મકાનમાં રેઇડ કરીને જુગાર રમતા પ્રતાપભાઇ પ્રભુભાઇ કલોતરા, પ્રદિપભાઇ ગોકળભાઇ બાર, અજીતભાઇ સોમાભાઇ ગોહિલ,દેવજીભાઇ કેશવજીભાઇ અધારા, રણજીતભાઇ વિરમભાઇ ખેર, નટુભાઇ અમરશીભાઇ નારીયાણી,જંયતિભાઇ મોહનભાઇ સોનગ્રા,હરેશભાઇ ખીમજીભાઇ ચાડમીયાને રોકડ રૂ. 58 હજારનો મુદામાલ સાથે ઝડપી લીધા હતા.આ રેડમા મોરબી એલ.સી.બી.ના HC ચંદુભાઇ કાણોતરા તેજસ વિડજા, દશરથસિંહ પરમાર, ભરતભાઇ જીલરીયા જોડાયા હતા.