વડોદરા દક્ષિણ ગુજરાત પોસ્ટલ ઝોનની પહેલના ભાગરૂપે, RMS W ડિવિઝનના કર્મચારીઓ અને અધિકારીઓએ સોમવારે આઝાદીના અમૃત મહોત્સવના ભાગરૂપે તિરંગા યાત્રાનું આયોજન કર્યું હતું. આ યાત્રામાં વડોદરા આરએસએસ અને હેડ રેકોર્ડ ઓફિસના કર્મચારીઓ અને અધિકારીઓએ મોટી સંખ્યામાં ભાગ લીધો હતો.

તિરંગા યાત્રા ડાક ભવન પ્રતાપગંજ, પોસ્ટ માસ્ટર જનરલ વડોદરાની ઓફિસથી શરૂ થઈ હતી અને વડોદરા બસ ડેપો અને રેલ્વે સ્ટેશન થઈ કાલા ઘોડા સર્કલથી પસાર થઈ હતી, ત્યાંથી રેલી કમાટીબાગ થઈને ડાક ભવન પ્રતાપગંજ ખાતે સમાપન થઈ હતી. આ રેલીમાં વંદે માતરમ અને હર ઘર ત્રિરંગા જેવા નારાઓએ પસાર થતા લોકોનું ધ્યાન ખેંચ્યું હતું. નોંધનીય છે કે કેન્દ્ર સરકારે નાગરિકોમાં દેશભક્તિની લાગણી જગાવવાના ઉદ્દેશ્ય સાથે 13 થી 15 ઓગસ્ટ સુધી દરેક નાગરિકને તેમના ઘર અને કાર્યાલય પર ત્રિરંગો ફરકાવવાનું આહ્વાન કર્યું છે.