পুনৰ মহানগৰীত সংঘটিত হৈছে এক জঘণ্য যৌন নিৰ্যাতনৰ ঘটনা। ৬০ বছৰীয়া এজন লম্পট বৃদ্ধৰ কামনাৰ বলি হ’ল এটি ৬ বছৰীয়া কন্যা শিশু। ঘটনাৰ বিৱৰণ মতে অভিযুক্ত দ্বিজেন ৰামছিয়াৰী নামৰ ৬০ বছৰীয়া লোকজনে কন্যা শিশুটিক ছিপছ দিয়াৰ প্ৰলোভন দি যৌন নিৰ্যাতন কৰে। এই ঘটনা সংঘটিত হৈছে নাৰেংগীৰ ভূপেন্দ্ৰ নগৰত।শিশুটিৰ পিতৃ-মাতৃ কামলৈ যোৱাৰ পিছতে সংঘটিত হয় এই ঘটনা। এই সকলো দৃশ্য দেখা পাই শিশুটিৰ জ্যেষ্ঠ ভাতৃয়ে। ভগ্নিৰ ওপৰত বৃদ্ধৰ যৌন নিৰ্যাতনৰ দৃশ্য প্ৰত্যক্ষ কৰি জ্যেষ্ঠ ভাতৃয়ে চিঞৰ-বাখৰ কৰে। ইয়াৰ পিছতে ঘটনাস্থলীৰ পৰা পলায়ন কৰে অভিযুক্ত দ্বিজেন ৰামছিয়াৰী।সমগ্ৰ ঘটনা সন্দৰ্ভত নিৰ্যাতিত শিশুটিৰ পিতৃ-মাতৃয়ে নুনমাটি থানাত গোচৰ ৰুজু কৰিছে। এই গোচৰৰ আধাৰতে আৰক্ষীয়ে দ্বিজেন ৰামছিয়াৰীক আটক কৰিছে।