સાયલા પોલીસ સ્ટેશનમાં પ્રોહિબિશનના ગુનામાં નાસતો ફરતો આરોપી વાંકાનેર તાલુકાનાં ઢુવા નજીક વરમોરા સીરામીક પાસે રોડ ઉપરથી દારૂ ભરેલી કાર સાથે પકડાયો છે જેથી કરીને વાંકાનેર તાલુકા પોલીસે તેની સામે ગુનો નોંધીને આગળની કાર્યવાહી કરેલ છે.જાણવા મળતી માહિતી મુજબ વાંકાનેર તાલુકા પીએસઆઈ બી.પી.સોનારા તથા સર્વેલન્સ ટીમ ગુનેગારોને પકડવા પડે અને ગુનેગારોને ડામવા માટે કામ કરી રહી છે ત્યારે મયુરધ્વજસિંહ જાડેજા તથા હરીચંન્દ્રસિંહ ઝાલાને મળેલ હકિકત આધારે આરોપી વેલજી ભીમાભાઇ મારૂણીયા કોળી (25) રહે. કંસાળા તાલુકો સાયલા વાળાને મહીન્દ્રા એક્સયુવી-300 કાર નંબર જીજે 13 સીએ 7743 વાળીમાં 130 લિટર દેશી દારૂ સાથે ઝડપી લેવામાં આવેલ છે. આ આરોપી પાસેથી 2600 નો દારૂ તેમજ પાંચ લાખની કાર આમ કુલ મળીને 5,02,600 નો મુદામાલ કબજે કરેલ છે અને આ આરોપીનું નામ પોકેપ કોપ મોબાઇલમાં સર્ચ કરતા તેની સામે સુરેન્દ્રનગર જિલ્લાના મુળી પોલીસ સ્ટેશનમાં વર્ષ 2023 માં આઇપીસી કલમ 323, 504, 384, 365, 170, 120(બી), 114 તથા એટ્રોસીટી એકટ 3(1) (આર), 3(1) (એસ.) 3(2) (વી.એ) મુજબના ગુનામાં ફરિયાદી તેમજ સાહેદને પોલીસની ખોટી ઓળખ આપીને અપહરણ કરી 20,000 ની માંગણી કરી ગુનાહીત કાવતરૂ રચી રાજય સેવકનુ ખોટુ નામ ધારણ કર્યું હતું જેનો ગુનો નોંધાયેલ છે તેમજ મુળી તથા સાયલા પોલીસ સ્ટેશનમાં જુદાજુદા ગુના નોંધાયેલ છે જેમાં તે નાસતો ફરતો હતો.હાલમાં પોલીસે દેશી દારૂ સાથે તેને પકડીને પોલીસે આગળની કાર્યવાહી કરી છે. જુદાજુદા પોલીસ સ્ટેશને નવ જેટલા ગુના નોંધાયેલ છે આ કામગીરીમાં પીએસઆઇ બી.પી. સોનારા, મયુરધ્વજસિંહ જાડેજા, ચમનભાઇ ચાવડા, હરીશચંદ્રસિંહ ઝાલા, સંજયસિંહ જાડેજા, રવિભાઇ કલોત્રા તથા વિજયભાઇ ડાંગર દ્વારા કરવામાં આવી હતી