દસાડા શંખેશ્વર હાઇવે પર વડગામ પાસેથી વિદેશી દારૂની 882 બોટલો અને કાર સાથે બે શખ્સો ઝડપાયા હતા. દસાડા પોલીસે વિદેશી દારૂની બોટલો, બે મોબાઇલ અને કાર મળી કુલ રૂ. 3,96,400નો મુદામાલ સાથે બે શખ્સોને ઝબ્બે કરી કાર્યવાહી હાથ ધરી છે.દસાડા પીએસઆઇ વી.આઇ.ખડીયા સહિતના પોલીસ સ્ટાફને અગાઉથી મળેલી ચોક્કસ બાતમીના આધારે પેટ્રોલિંગ દરમિયાન દસાડા શંખેશ્વર હાઇવે પર વડગામ ત્રણ રસ્તા પાસે છટકું ગોઠવ્યું હતુ. ત્યારે હાઇવે પર શંકાસ્પદ હાલતમાં નિકળેલી સફેદ કલરની ગાડીને કોર્ડન કરીને ઉભી રખાવી આરોપી કલ્પેશભાઇ ઉર્ફે ભીખાભાઇ રાવળ ( રહે-ભદ્રાડા, તા-સમી, જી-પાટણ) તથા શ્રવણજી શંકરજી ઉણેયા (ઠાકોર) (રહે-થરા, કર્ણાવતી સોસાયટી, મૂળ ગામ- રાણકપુર, તા. કાંકરેજ, જી. બનાસકાંઠાવાળાને ઝબ્બે કરી કાર્યવાહી હાથ ધરી હતી.દસાડા પોલીસ આ ગાડીની સઘન તપાસ કરતા ગાડીમાંથી દારૂના ચપલા નંગ-642 કિંમત રૂ. 62,400 તથા બીયર ટીન નંગ- 240 કિંમત રૂ. 24,000 મળી કુલ રૂ. 86,400, મોબાઇલ નંગ- 2 કિંમત રૂ.10,000 અને સ્વીફ્ટ ગાડી કિંમત રૂ. 3,00,000 મળી કુલ રૂ. 3,96,400નો મુદામાલ ઝબ્બે કરી ઇંગ્લિશ દારૂ અંગેનો ગુન્હો દાખલ કરી કાર્યવાહી હાથ ધરી છે. દસાડા પોલીસના આ દરોડામાં પીએસઆઇ વી.આર.ખડીયા, મનીષભાઇ અઘારા, હમિરભાઇ, વિજયસિંહ, સુરેશભાઇ, નિલેશભાઇ રથવી, દિપકભાઇ, ચેહરભાઇ અને મહિપતભાઇ સહિતનો દસાડા પોલીસ સ્ટાફ સાથે હાજર હતો. આ કેસની વધુ તપાસ દસાડા પીએસઆઇ વી.આર.ખડીયા ચલાવી રહ્યાં છે.
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
