নলবাৰী জিলাৰ ঘগ্ৰাপাৰ আৰক্ষী থানাৰ অন্তৰ্গত আমৰা গাৱঁৰ গোপাল দাস নামৰ লোকজনৰ গৃহত এজনী গাইগৰুৱে এটি ছয় ঠেঙীয়া পোৱালি জন্ম দিয়াত গাওঁবাসীৰ মাজত কৌতূহল উপজিছে৷জানিব পৰামতে আজিৰে পৰা তিনিদিন মান আগতে গাইগৰু জনীয়ে পোৱালিটো জন্ম দিয়ে৷বগাৰংৰ দমৰা পোৱালিটো জন্মৰ লগেলগে গৃহস্থই ছয়খন ঠেং প্ৰত্যক্ষ কৰি আচৰিত হৈ পৰে৷পোৱালিটো বৰ্তমানলৈকে সুস্থ সৱল হৈ আছে৷পোৱালিটোৰ ছয় ঠেং হোৱাটো বহুতো লোকে শুভ বুলি সদৰি কৰিছে৷আনহাতে বৰ্তমান পোৱালিটো স্ব-চক্ষে চোৱাৰ বাবে গাওঁবাসীৰ লগতে অঞ্চলৰ ৰাইজে গৃহস্থৰ ঘৰলৈ ঢাপলি মেলিছে৷৷