હવામાન વિભાગની આગાહી મુજબ ગુજારત સહીત સમગ્ર દેશમાં મેઘ તાંડવ યથાવત છે ત્યારે બનાસકાંઠા જિલ્લામાં છેલ્લા ચાર પાંચ દિવસથી વાદળછાયું વાતાવરણ બાદ ઝરમર ઝરમર વરસાદ જિલ્લાના અનેક વિસ્તારોમાં પડી રહ્યો છે. પાલનપુરમાં મોડી રાત્રે પડેલા વરસાદથી ફરી એક વાર અમદાવાદ - આબુ હાઇવે ઉપર ખાડા પડી તમાં પાણી ભરાયા હતા. ટ્રક પલટી ગઇ હતી. સામાન્ય વરસાદમાં પણ અમદાવાદ આબુ હાઇવે ઉપર પાણી ભરાઈ જતા વાહન ચાલકો અને સ્થાનિકો અવરજવર માટે ભારે મુશ્કેલીઓનો સામનો કરવાનો વારો આવ્યો હતો. રાત્રિ દરમિયાન પડેલા વરસાદના પાણી ભરાતા હાઇવે ઉપર ખાડાઓ પડી જતા એક ટ્રકનું ટાયર ખાડમાં પડતાં ટ્રક પલટી મારી ગયો હતો. સદનસીબે ટ્રક ચાલકનો આબાદ બચાવ થયો હતો . ટ્રક પલટી મારતા જ ટ્રકમાં રહેલો માલ સામાન પાણીમાં પલળી ગયો હતો. જ્યારે ડીસામાં  ગઈકાલે પણ દિવસભર વાદળછાયુ વાતાવરણ અને ભારે ઉકળાટ રહ્યા બાદ મોડી રાત્રે ધોધમાર વરસાદ વરસ્યો હતો અને બે કલાક સુધી સતત વરસાદ થતા અંદાજે  40 મિમી જેટલો વરસાદ પડ્યો હતો. વરસાદના કારણે શહેરના અનેક નીચાણવાળા વિસ્તારોમાં પાણી ભરાઇ ગયા હતા. શહેરના માર્ગો પર પણ પાણી ભરાતા વાહન ચાલકોને મુશ્કેલી વેઠવી પડી હતી. હવામાન વિભાગ દ્વારા ચોમાસામાં સારા વરસાદની આગાહી કરવામાં આવી છે અને તે દરમિયાન ચોમાસાની શરૂઆતમાં જ ડીસા પંથકમાં પોણા બે ઇંચ જેટલો વાવણી લાયક વરસાદ થતાં ખેડૂતો ખુશખુશાલ થયા છે. જિલ્લામાં છેલ્લા 24 કલ્લાકમાં વરસેલા વરસાદના આંકડાં અનુશાર  દાંતીવાડા 53 મિમી, ધાનેરા 52 મિમી, ડીસા 40 મિમી વડગામ 20 મિમી. વરસાદ પડ્યો હતો,