কামৰূপ জিলাৰ ৰঙিয়া মহকুমাৰ অন্তৰ্গত ঐতিহাসিক বালিসত্ৰ সৎসংগী চৌহদত আজি প্ৰায় এক কিলোগ্ৰাম মান গো-মাংসৰ টোপোলা উদ্ধাৰ হোৱাত অঞ্চলজুৰি তীব্ৰ চাঞ্চল্যৰ সৃষ্টি হৈছে৷উল্লেখ্য যে একাংশ দুস্কৃতিকাৰীয়ে কিছুদিনৰ পৰা হিন্দু মঠ মন্দিৰ আদিত গো-মাংস থৈ অঞ্চলত সাম্প্ৰদায়িক উত্তেজনাৰ সৃষ্টি কৰাৰ পৰিকল্পনা কৰা পৰিলক্ষিত হৈ আহিছে৷আজি পূনৰাই কামৰূপ জিলাৰ ৰঙিয়া মহকুমাৰ ঐতিহাসিক বালিসত্ৰ সৎসংগী সত্ৰত গো-মাংস উদ্ধাৰ হোৱাত ৰাইজৰ মাজত প্ৰতিক্ৰিয়াৰ সৃষ্টি হৈছে৷অবেশ্যই অঞ্চলটোৰ ৰাইজে গো-মাংসৰ টোপোলাটো প্ৰত্যক্ষ কৰিয়ে স্থানীয় কঞাঁ আৰক্ষী থানাত খৱৰ দিয়ে৷কঞাঁ আৰক্ষীয়ে ততাতৈয়াকৈ ঘটনাস্থলীত উপস্থিত হৈ মাংসৰ টোপোলাটো উদ্ধাৰ কৰি ফৰেনছিক লেবৰেটৰীত পৰীক্ষাৰ বাবে প্ৰেৰণ কৰে৷ঘটনাস্থলীত কামৰূপ জিলা প্ৰশাসনৰ লোকো উপস্থিত থাকে৷