કામરેજના કઠોરથી અબ્રામા તરફના રોડ પર આવેલી રૂક્ષ્મણી પાર્ક સોસાયટીમાં એલસીબીએ રેઇડ કરી કુલ છ જુગારીઓ સહિત ₹.1.81ની કિંમતનો મુદ્દામાલ ઝડપી પાડયો હતો.સુરત ગ્રામ્ય એલસીબી પોલીસ સ્ટાફે બાતમીના આધારે કઠોરના અબ્રામા રોડ પરની રૂક્ષ્મણી પાર્ક સોસાયટીમાં આવેલા સતીષ મનુભાઈ બોરડના ઘર નંબર 62માં રેઇડ કરી હતી.પોલીસે મકાનના પહેલા માળેથી ગેર કાયદેસર જુગાર પ્રવૃતિ કરતા (1) સતીષ મનુભાઈ બોરડ રહે.ઘર નંબર 67 રૂક્ષ્મણી પાર્ક સોસા.કઠોર તા.કામરેજ(2) પ્રદીપ છગનભાઈ રાદડીયા રહે.ઘર નંબર 107 હસ્તીના પુર સોસા.રચના સોસા.કાપોદ્રા વરાછા સુરત (3) સંદીપ શશીકાંત મોજીદરા રહે.ઘર નંબર 341 શ્રી જી નગર સોસા.વરાછા કાપોદ્રા સુરત(4) દામજી પોપટભાઈ કુંભાણી રહે.ઘર નંબર 80 રૂક્ષ્મણી પાર્ક સોસા.કઠોર તા.કામરેજ(5) વિજય ગોરધનભાઈ ધામેલીયા રહે.ઘર નંબર 2 રૂક્ષ્મણી પાર્ક સોસા.કઠોર તા.કામરેજ(6) પ્રવીણ ભગવાનભાઈ રાણાવાડિયા રહે.ઘર નંબર 35 હસ્તીનાપુર સોસા.કાપોદ્રા વરાછા સુરતની અટક કરી હતી.પોલીસે સ્થળ પરથી ₹.45 હજાર રોકડા,71 હજારની કિંમતના છ નંગ મોબાઇલ તેમજ ₹.65 હજારની કિંમતની બે મોટર સાઇકલ મળી કુલ ₹.1.81 લાખની કિંમતના મુદ્દામાલ સાથે અટક કરેલા તમામની આગળની કાર્યવાહી હાથ ધરી હતી.